ზღვაშია წვეთი - წვეთშია ზღვა

მე ხშირად შენთან მოღწევას ვცდილობ,
შენ კი იფიქრებ ათასგვარ მიზეზსს -
რომ მისამართიც არ გამიმხილო
და არაფერი არ არის რიგზე.

ზღვაშია წვეთი - წვეთშია ზღვა,
თუ კი ეს წვეთი ცრემლები არის...
შენ ვერ გაგიგებს ვერავინ სხვა
და დადგა სამის ნახევარიც.

მე მიყვარს როცა ვხატავ შენს სხეულს -
ბარძაყებიდან ლავიწებამდე.
მთელი სამყარო ლოთივით გძულს
და არაფერი არ გაკლია დავიწყებამდე.

და ისევ შენთან მოღწევას ვცდილობ,
ლამაზ აივანს კენჭებით ვცხრილავ.
სულ სამი ფერი და ერთი ტილო -
მაგრამ შენ ყველა მუზას მომიკლავ.

მე დაგინახე, ტანსაცმელს გხდიდა,
შენ გამჭვირვალე ფარდებმა გაგცეს.
მე იმ წუთიდან სამყარო მძულდა,
და ყველაფერი შენს ძველ ქუჩაზე.


2023წ. 28 მაისი