პროპაგანდისტული მანქანა

უალკოჰოლო თრობის კონა,
მერე დოსტოევსკი რომანებით.
წრეში დანთებული ცეცხლის მონა,
ირგვლივ მოძრავი - შამანებით.
უკან მომყვებოდა ფიუდერი,
კარამაზოვი წიგნით ხელში.
გადაკარგული ფიქრის წონა
კარავ დაშლილი ლაშქრით გვერდში.
აქით ვეინბახიც დაუშლიათ,
თავზე დაჰკიოდა ჰოროვიცი.
ქვებზე კლავიშები გაუშლიათ
გულში საიდუმლო - ,,მე'რო'ვიცი".
ერთად ვიკითხავდით რომანოვებს,
მერე გვპასუხობდა თეოდორე.
მთლიან იმპერიას ასაზრდოვებს
კლანი რომელიც მე - ავამდორე.
- სცენას მოაცილეთ დავიდოვა,
ლამის გაამართლა ჩიკატილო.
მე კი მონეტები დამიტოვა
ბორის - ბნელ ოთახში ჩაკეტილო.
სადხარ ,,ამხანაგო" ლეგასოვო,
იქნებ განმეორდეს კატასტროფა...
- ფურცელს საიდუმლო ჩააქსოვო,
იქნებ მოამზადო ნებისყოფა.
პროპაგანდისტული კამპანია
მისი დამარხული გმირებიდან
მარიონეტული - მიზანია
ყველაფრის შოვნა არაფრიდან.


ნიკა კუკავა
2021წ. 2 ივნისი