გაწყდება ერთხელაც ბილიკი

გაწყდება ერთხელაც ბილიკი
შევრჩებით საცალო სავალს
მე მგზავრი კი არა პირიქით
გზა ვარ

გაგიქრობ ერთხელაც მაგ შიშებს
იმედით აგივსებ თვალებს
ოღონდაც არ უთხრა კაციშვილს
სულს რამდენ წვრილ კენჭთან დავლევ

იხუმრე იცინე იცრუე
მიხვედრა იქნება რთული
მიყვარხარ ამ ჩემი ფიცრული
გულით

და ღამით ამიტომ ვიძინებ
ამიტომ ვიღვიძებ დილით
რომ შენი გულღია სიცილი
გავს ბავშვის დაკარგულ ღილებს

შენ მალე მიხვდები ყველაფერს
და მალე დამალავ მზერას
რომ თურმე არც ისე ფერადი
მზე ვარ