ქრიზანთემისფერი

შემოდგომის ბილიკებზე
ლაღად დანავარდობს შველი,
ხეებს ფერი შეუცვლიათ,
თითქოს... ქრიზანთემისფერით.

გზაზე გოგო მოციმციმებს,
გოგო – ვარსკვლავივით მშვენი,
და ფრიალებს მისი კაბა,
კაბა – ქრიზანთემისფერი.

მაღლა ჩიტი ჭიკჭიკებს და
ცაში დაწკრიალებს ხმები,
ჩიტი არის პაწია და,
ჩიტი – ქრიზანთემისფერი!

მალე ღვინოც დაღვინდება,
მაჭარს გაჰქცევია ქვევრი,
სიყვარულს ფერი უცვლია,
ჰშვენის ქრიზანთემისფერი...

ჩემს ეზოში ვარდი ჰყვავის,
საუცხოო, სურნელმფრქვევი,
მინდა გიძღვნა მშვენიერი
ვარდი, – ქრიზანთემისფერი!

შემოდგომის ბილიკებზე
ლაღად დანავარდობს შველი!
და ეს ლექსიც შენი იყოს,
ლექსი, - ქრიზანთემისფერი!

ნინო მღებრიშვილი
18 სექტემბერი 2021