ვერ გამშვიდებდა...

გარეთ ხეებთან ცეკვავდა ქარი,
შენ კი ეძებდი სიყვარულს ისევ,
ვერ გამშვიდებდა ღვინო და ქალი
ვერ ერეოდა დანისლულ ფიქრებს.

და ნაზამთრალი სევდა შენს გულში
კვლავ დაეძებდა სიცოცხლის ფერებს,
ეს ცრემლები კი უხმო და ურჩი
მოაცილებდნენ ტრფობის აკორდებს.

შენ დაეძებდი სიყვარულს ისევ,
ვერ გამშვიდებდა ღვინო და ქალი,
ვერ ერეოდი ნაზამთრალ ფიქრებს,
გარეთ ხეებთან ცეკვავდა ქარი!

ნინო მღებრიშვილი
11 მარტი 2024

შეგიძლიათ გააზიაროთ მასალა, თუ მიუთითებთ ავტორს.

0 კომენტარი

@ კონტაქტი