შენი ქორწილის საღამოს...

შენი ქორწილის საღამოს,
მოულოდნელად გაწვიმდა,
დედამიწაზე ყვავილი,
ცაში ღრუბელი ატირდა.

ნიავმა მიეთ – მოეთით
მიჰყარ – მოჰყარა ჭორები,
პირველად, ჩემს სიცოცხლეში,
მე უკვე აღარ გელოდი...

ფერი იცვალა სამყარომ,
ღიმილი გაჰქრა სახიდან,
ბედნიერების ვარსკვლავი
ჩაჰქრა, უჩუმრად წავიდა.

შენი ქორწილის საღამოს,
ფერი გახუნდა ფერადი,
იმედი სადღაც გაფრინდა,
გზები – სავალი შენამდის.

შენი ქორწილის საღამოს,
მთაში ირემი აყვირდა,
და გრძნობა ობლად შთენილი,
გულში უსიტყვოდ ატირდა!

29 დეკემბერი 2016

შეგიძლიათ გააზიაროთ მასალა, თუ მიუთითებთ ავტორს.

0 კომენტარი

@ კონტაქტი