გიორგი

რუსთაველზე მოაბიჯებს,
რუსთაველი უხდება,
ტატოს მფრინავ მერნის მადლი
დასტყობია ფიქრებად.

შავგვრემანი ჭაბუკია,
შავი ჩოხა აცვია,
ის სამშობლოს იმედია,
ის მომავლის კაცია!

რა ბიჭია! – არც ერთ გამვლელს
რჩება შეუნიშნავი,
გოგონები ჩურჩულებენ:
– იცნობთ? იცით ვინ არის?

რუსთაველზე მოაბიჯებს,
მხიარული, გულღია,
ტუჩთან ხალი უცინის და
რწმენა სანთლად უნთია!

7 აპრილი 2013

შეგიძლიათ გააზიაროთ მასალა, თუ მიუთითებთ ავტორს.

0 კომენტარი

@ კონტაქტი