სიმღერა თბილისზე

ყველასავით ლეგენდავ და არაკო,
გამარჯობა, ჩემო თბილის ქალაქო
რადგან ბედად აქ გაჩენა გვეღირსა,
შენი მკვიდრი ყველა კარგი ფეხის ვართ

არ მოგაკლებთ სალაღობო გალობას,
დაგილოცავთ უჭკნობ ყმაწვილ ქალობას.
როცა წავალთ, ვინ გვიან და ვინ ადრე,
საფლავადაც მაგ შენს მიწას ვინატრებთ.

ჰარი, ჰარი, ჰარალალე ჰარი, ჰარალე
ხოხბისა და მონადირის ტკბილო არაკო
სატახტო და საგვირგვინო წმინდა ალაგო
საქართველოს გულის ფეთქვავ, თბილის ქალაქო

დაღლილო და ნაომარო დედაო
ერთ კადნიერ სიტყვას შემოგბედავო
უცხო თვალით მინდა შენი დანახვა
რომ გავიგო მართლა ამისთა ნახარ

თუ სიბრმავით მხოლოდ მე მეჩვენება
შენი ზეცის სილურჯე და მშვენება
ყველასათვის ლეგენდავ და არაკო
გამარჯობა ჩემო თბილის ქალაქო

ჰარი ჰარი ჰარალალე ჰარიარალე
ხოხბისა და მონადირის ტკბილო არაკო
სატახტო და საგვირგვინო წმინდა ალაგო
საქართველოს გულის ფეთქვავ თბილის ქალაქო