შეხვედრამდე

შენი ნაჩუქნი წითელი ვარდი
კვლავ დაამშვენებს ვიღაცის კალთას
მე კი დავდნები იმაზე დარდით
რომ შენი სითბო დამრჩება ნატვრად.

მოგძებნი ალბათ ბოლო წამამდე
ყველა მზერაში მე-სამარემდე
შენს კვალს გავყვები სიკვდილამდე 
და ამ სიყვარულს ავიტან ცამდე.

დადგება ის დღეც კვლავ რომ შევხვდებით
და მე არ მოგთხოვ მძივების ბალთას,
მხოლოდ ამას გთხოვ იქნებ ბოლოჯერ
შემომაშველო გადაღლილს კალთა.