მე ის ბიჭი არ ვარ


რაღაც გეშლებათ!
ის ბიჭი - თქვენ რომ მეუბნებით - გამახსენდა, მაგრამ დიდი ხნის წინ გარდაიცვალა.
მე ის არ ვარ და ნუ მიყურებთ ასე დაჟინებით! 
 ის სხვაა.
ხომ გესმით!
ხომ გაიგეთ!
ის სხვაა, მე - სხვა.  მე ის არ ვარ, ვისაც 15- 20 წლის წინ, გაჰყავდით მთვარიან ღამეში  და უსასრულოდ დადიოდით  ფიქრებში. თქვენც ხომ გახსოვთ ეს!
 მე მახსოვს, მაგრამ მე ის არ ვარ. არც ის ვარ, საღამოობით რომ დაგირეკავდათ და ხმას არ იღებდა - მხოლოდ თქვენს წაკითხულ ლექსებს ისმენდა.  არც ის ვარ, ვინც თქვენზე ფიქრში ათენებდა და გისიზმრებდათ.
ჰოდა, ნუ მიყურებთ, ასე დაჟინებით!
ეს, რომ წაიქცა თქვენი შვილია, ქალბატონო?..
0 კომენტარი

© POETRY.GE 2013 - 2024

@ კონტაქტი