ეპიტაფია

გასრულდა მაინც რა სწრაფად 
ჩემი სავალი ბილიკი, 
დავემშვიდობე საწუთროს 
სინანულით და ტკივილით. 
მიხილავს მზის ელვარება,
ცივი ავდრებიც, დამღლელი, 
გულს მემჩნეოდა იარა, 
მშფოთვარე წლების ნახმლევი.
- ლექსი უყვარდა რარიგად,- 
ის იტყვის ვინც მომიგონებს, 
ვუმადლი არსთა გამრიგეს,- 
ღამეს ვუთევდი სტრიქონებს. 
გასრულდა ჩემი ბილიკი - 
სევდის ლიპი ქვით ნალესი, 
მიწას ჩავბარდი მშობლიურს - 
გოგბერაშვილი ალექსი.