,,მიწის სუნთქვა"

აქ ყოველი ქვა წარსულს ინახავს,
ყოველი ხეა ძველი ზღაპარი,
ჩემს გულს სხვა მიწა ასე არ უყვარს,
შენ ხარ იმედი და შესაფარი.

შენი ფერები სულ თან დამყვება,
თუნდაც ვიარო უცხო მხარეში,
შენი მზის სხივი სულ სხვანაირად
კაშკაშებს ჩემი თვალის გუგებში.

როცა დავიღლები უშენოდ ყოფნით,
როცა სხვის მიწას ფეხს დავაბიჯებ,
ვიცი, დამლოცავს შენი სახელი
და შენსკენ გადავდგამ პირველსავე ნაბიჯს.