,,ჩუმი მგზავრი"

სულში ჩაძირულ ოცნებებს
გზას უნათებს ეს ნათელი,
ფიქრთა საყრდენად დამრჩენია
ამაღამ მხოლოდ სანთელი.

გარეთ ნოემბრის  საღამოა,
ზოგჯერ სიგიჟით ქარია,
მაგრამ რაც გულში ჩავიკეტე,
ის სამუდამოდ მყარია.

ჩემთვის სიჩუმე ხმამაღალი
არის სიმშვიდის წამალი,
თვალები ბევრ რამეს ამბობენ,
ტუჩები რასაც მალავენ.

მინდა გავუდგე შორეულ გზას,
სადაც გაშლილია მინდორი,
ამ ქვეყნად ყველა ადამიანი
ხომ მხოლოდ ჩუმი მგზავრია.