ყოველთ-დღიური #12

სამიკიტნოს სისხამ ახსნეს კარის კლიტენი.

-რას შეუკვეთავთო მეკითხებით?! რა უნდა შევუკვეთო ! საკუთარი მეუღლის მობრაწულ თავს ვისურვებდი ლანგარზე. შენი დედაც ვანესა ! როგორ მძაგხარ შენი კაპრიზებით შენც და დოყლაპია დედაშენიც. ყველაფერი ჩემ კისერზეა ! ადექი სისხამს, ჩაიცვი მიკუჭულ-მოკუჭული მოთეთრო პერანგი. უმტკიცე ხალხს რომ მოკრემისფრო დაჰკრავს ჭუჭყის მაგივრად, ყავასა და აყროლებულ თუთუნზე გადააგორე მთელი სამუშაო დღე. 

იყიდე საჭმელი მოათრიე დაულაგებელ სახლში და შეხედე შენ მსუქან-ღაბაბა ცოლს როგორ კოტრიალობს ჩამპალ საძინებელში, აი რას ვისურვებდი,  ვანესას შემწვარ თავს, ბროწეულსაც თუ მიამატებთ , ფრიად კმაყოფილი დაგრჩებით.

ჰენრი , ჰენრი ! 

-აქაც მომაგნო , ყასაბს თუ სცალია იქნებ ბარემ  აქვე გამოღადროთ, სულ ცინცხალი იქნება.

ჰენრი !

-რა ჯანდაბა გეტაკა !  ამ დილა-უთენია მაინც მომასვენე.

-ხომ გახსოვს გათამაშების ბილეთი რომ დავწერე და გამომთათხე ფულს რაში ხარჯავ შენ ვინ რას  მოგაგებინებსო ?! მოვიგეთ ჰენრი ! ერთი-ერთში ,არასდროს მუშაობა აღარ მოგიწევს, ჯეკპოტია,საყვარელო, ჯეკპოტი , აი ნახე, 9 3 5 7 8 2 1 , ზუსტად დაჯდა ! 

-ახლა ვფიქრობდი თუ როგორ მიყვარდი , ვანესა,  ჩემო უძვირფასესო ! შენ გარეშე წამიც კი არ მასუნთქოს გამჩენმა, კაცი არდადის ვინც ჩვენ შორებას წარმოიდგენს ან შეეგუება ! ჩემო ყოველთა ვარსკვლავო , სიანცით რომ კაშკაშებს ცის კამარაზე !  მომეცი , ვნახო , ჩემო უძვირფასესო ! 
-აი , ჰენრი, ნახე, ნახე , რაც შეიძლება მალე , შემდეგ კი ფულიც მოვხსნათ და სადმე სიშორეს გადავიკარგოთ ! 

-ეს ფურცლის ნაგლეჯზე წამელნილი ნაჯღაბნია, ეს გათამაშების ბილეთი კი არა ფურცელზე მოთათუნებული ბოტოტა თითებია, შენი დედაც , ვანესა ! შე უდღეურო, უსუსურო, ტვინგამორეცხილო ნაბიჭვარო!  აყროლებულო ლეშო, ერთი სული მაქვს როდის ჩაძაღლდები და სადმე ღია ცისქვეშ მიგაგდებ მატლების საჯიჯგნად, ან თუ არა თავად ჩაგაძაღლებ !

-ფურცელი ამერია ჰენრი, აი, გათამაშების ბილეთის ასლი ! 

-ღმერთო, დიდებულო ! როგორ მიყვარხარ, ვანესა ! ჩემო სიცოცხლის ცოცხალო ანგელო.