0 12

საიდან მოვედი


საიდან მოვედი,
საიდან მოვედი...
ყოფიერების სიმწარეში ფესვებგადგმული...
ყოფიერების აღმაფრენას შეკედლებული...
ხან ისე ცივად მშორდება აღმაფრენა-
ყოფიერების სიმწირე...
დროის და სივრცის ნიადაგიდან ამოიზარდა ჩემი სული,
ფესვები უხსოვარ დროში აქვს გადგმული
და იმ ქალის სხეულში დაიდო ბინა, 
რომელიც მე ვარ...
აქა - იქ გამოვისხი აღმაფრენის ყვავილები, 
მაგრამ... 
ყველა ყვავილი დამჭკნარია, 
მკვდარი...
ათასი ქალის ქალური გრძნობით,
სიმწრის რტოებით,
შემზარავ ფიქრით,
საღამოსფერში ჩაკარგული მტვრის ყვავილებით...
საიდან მოვედი,
საიდან მოვედი...


2023
კომენტარები (0)