თარეში

ტახტის თავს მოწნული კარავი...
თავლაში ცხენების თარეში! 
მარეში- არ არის არავინ!
არავინ, ჩვენს გარდა,- არეში...

შენია, ჩემია- ეს კაბა!
სელზე დაფენილი ბატისტა...
შენთვის მოვლენილი ეკალად!
ჩემთვის შეკერილი არტისტად!

ეს აბრეშუმის წვივსაკრავი-
კუპრზე დაღვენთილს სანთლებს ჰგავს!
სითეთრე... სასმელი... საკრავი...-
ირევა!-
        ვნებდები განგებას!

ვენეციური სარკე და
ვარსკვლავთა სხივები თვალებში...
ლაშქრობა ხალებთან და მკერდთან
თარეში... ალებში… თავლებში...

ტახტის თავს მოწნული  კარავი...
ვნებები ფერების გარეშე!
მარეში- არ არის არავინ...
არავინ, ჩვენს გარდა,- არეში.

თამთა მუმლაძე