,,პარიზისკენ..."

მაგიდაზე- სამი ტომი სანიკიძე...
საათის კარს სამჯერ აღებს გუგული...
ჩაფრასტები- ჩემოდნებში... და საკინძე
და 
   (პარიზის მატარებლის გუგუნი...)

საპერანგე... ვიოლინო... (ჩემს ოდაში-
კაკუნი)
       (ალბათ, უკვე, დრო თუ არი...)
,,-ჩემოდნები! -ჩემოდანი! -ჩემოდანი!"
    ( უხალხო, 
      ცარიელი ტროტუარი...)

,,-ბილეთები!"
  (და რა ვუთხრა? - კი, თუ უარი...)
(შესვლა.) 
     ყველა ადგილს ეძებს.
 (კარი...) 
                           ,,-ზის?" ,,-თქვენ?"
რეგალიე, რიტუალი, რიტუალი...
(მატარებელი დაიძრა.) 
                                  პარიზისკენ!

და გონებაც საით იწევს... საით იწევს...
გონება, თუ...
          გონება, თუ...
                                       თუ,- გული?!
      მაგიდაზე- სამი ტომი სანიკიძე!
      საათის კარს სამჯერ აღებს გუგული...

თამთა მუმლაძე ✏