,,ათასი წვრილმანის მაღაზიაში..."

ჭავჭავაძეზე, ათას წვრილმანში,
მსურდა, საჩუქრად
               (აზრთა გამხიდველს...)-
ბედნიერება! და ამ წვიმაში
მე მივესალმე, ჩემს წინ, გამყიდველს:

-ბედნიერება!- მისი საშენი-
თქვენის ნებართვით
                (მფანტავს, თან, ხმები...),-
მსურს, ჩემთვის, ვნებაც!- ასი საჟენი
და სიყვარულიც იყოს თანმხლები!

-სულის სიამე- სამოთხის ოდენ...
     (თან, ვფიქრობ, მინდა, იგი, თუ რაში?!)
-მე სევდაც მინდა- სამ-ოთხიოდე
და სიხარულიც!- 
               მთელი ტირაჟი!

    ველი...
       ღამდება და ჩადის, ახ...- მზეც!
    დანებდა მთვარეს...
                                    ბედს მიენება...
გრამობით წონა და დადო დახლზე-
შეუფუთავი ბედნიერება!

     (მე, სევდიანი- აზრთა რაობით
     და შემართებით- უკვე საჩხუბრად:)
-ბედნიერება არა- გრამობით!
და შემიფუთეთ- მეთქი, საჩუქრად!

     (თავიდან წონის და მის ლოდინში-
      ვებრძვი ფიქრთა ჯარს და აპათიებს!)
-იქნებ, იჩქაროთ...- 
და მე ბოდიში-
               იქნება, სწრაფად...-
                             მე, მაპატიეთ...

,,-სულის სიამე- სამოთხის ოდენ..."
     (მესმის დუდუნი, რომ იმეორებს...)
,,-მე სევდაც მინდა- სამ-ოთხიოდე
და სიხარულიც,
                      ტომი-   მეორე..."

თამთა მუმლაძე ✏