,ლაპარაკობს და უჩვენებს თბილისი..."

(აფთიაქი...
 რეკლამები...
 ბანერი...
 მესამეზე-, ,,N" ,,ბითლზებს" აღმერთებს...)
მე კი, ჩემი, იმერული მანერით-
მივუყვები მთაწმინდისკენ აღმართებს...

(სივრცე... ხევი...
   ხევი... სივრცე... და კორდი...)
სახეს მიწვავს ის 9 სხივი- თბილი მზის!
ისევ ისმის ტელევიზორ ,,რეკორდში":
,,ლაპარაკობს და უჩვენებს თბილისი..."

(მოლბერტები...
  აზბესტების ბუხარი...
გონებაში, ქულად- ბუღი ქალაქის)
მეორეზე- კითხვას სწავლობს:  ,,ბუ... ხარი..."
(მაკრატელი ილესება- 
       დალაქის...)

ჰე, ორგია მოუწყვიათ, აქ, ღმერთებს!
(პანთეონი- ჭავჭავაძის თილისმით...)
 მესამეზე-, ,,N" ,,ბითლზებს" აღმერთებს...
 მეოთხეზე- ,,ლაპარაკობს თბილისი..."

თამთა მუმლაძე ✏