,,-უკანასკნელი ,,სტანცია, მუსიე..."

(სარკე...) 
(ფიქრი...-
           ,,-ეტიენ დე ვინოლი"...)
,,როლინგსტონი"- (ქუხს) 
          და ჯინსი ,,Wrangler"-ი...
და ძველებურ პატეფონზე ვინილი
ირწეოდა-
               ღიღინებდა ,,ვაგნერი"...

წვიმა
(თავსხმა წვიმებია... 
       არ ივლის...)
თითქოს, აზრებს მირეცხდა და მე- ვფენდი...
,,დავიღალე!- წავალ, 
                      ცოტას გავივლი!"
   (-სანთებელა მომაწოდეთ, ,,ეფენდი:...)

(-გმადლობთ!-)
                         (ქუდი...)
(ავტობუსი...) 
(კონტროლი...)
(და მინდვრებზე ამოშლილი კამუტი...)
მკლავს ნიღაბი- მოთამაშე კონტრ-როლის...-
  მელოდება სახლში წაბლის კამოდის

ზედ- ჩარჩო 
                  და მზერას მტაცებს მით ქალი,
რომ წლებია, წლები, თუმცა, მას უკან...-
სახე მისი,- თეთრი, როგორც მიტკალი-
ძველებურად შემომცინის!
               (მუსიკა...-)

     (რადიოში დემაგოგობს ვაგნერი...)
ჩემს წინ, მგზავრი- აფრიალებს დოსიეს...-
(გაჩერება...)
            მე კი ვზივარ,- არ ვდგები...

  (,,-უკანასკნელი ,,სტანცია"..."
                                                        ,,-,,მუსიე"?!...")

თამთა მუმლაძე ✏