,,ქერჩის ქ. ხასიათი- დესპოტის..."

ქერჩის ქუჩა...ხასიათი- დესპოტის!
,,ეჰეი!"
             (-თვალი ჩავუკარი მანეკენს...)
(სადარბაზო...) შინ, გაშლილი პასპორტი,
ელოდება კონსულის შტამპს. მან ეგებ...-

ეგებ, შეყრით სიყვარული ამყაროს!
    (წამოვწექი და უკუღმა ავთვალე.)
,,-იქნებ, რამე მოვუხერხო სამყაროს,-
მომაწოდეთ ვარდისფერი სათვალე!"

ჰოი, როგორ ხმაურობენ ,,ყუთიდან"...
(თავს ვიქნევ, რომ ფიქრის ხროვა ხამს იმით
ვდევნო.) ორი... სამი... ოთხი... ხუთი და...-
  ,,-ჰე, რამდენი დამსევიან, ხავსივით!"

ურთიერთობას სტატუსად- ,,ახლართულს"
დავარქმევდი- იყო ვნება...
                                                      და შფოთიც!
ველი დღეებს, ისეთ დღეებს... ახ, რა რთულს!
   (ქუჩა- ქერჩის. ხასიათი- დესპოტის...)

ველოდები, გამიცივებს, აირანს,
ჩემს მაცივარს- (ფირმა ,,ორსკი") მეორადს...
(,,,,ფანჯიკიძე"...-
               გავიყოლებ, აი, რას!
 თუ, ,,ბუვიე"..."-
               (ვიხლიჩები, მე, ორად.))

ნეტავ, ბედი გადამკარგავს, მეტად, სით...
  ,,-ეჰეი! ცხელა, თავს იგიჟებს ივლისი!"
(ტელეფონი)
   ,,-მომიგზავნეთ, მე- ტაქსი!"
   ,, -მისამართი?"
   ,,- ქერჩის ქუჩა. თბილისი."

თამთა მუმლაძე ✏