0 41

,,cogito, ergo sum!"


ფეხით- ორი კვარტალი...
     (ვაკვირდები, მე, ტანდემს.)
და ფიქრებით ვარ მთვრალი,
გადამთვრალი- მეტადრე:

,,ქელვა... ქელვა და ცემა...
სძვრება ფასი თილისმას!
ეჰ, დაცემა... 
დაცემა
მოჰგავს- ბასტილიისას!

დარდი გავა მარტივით.
თუ სირთულე ერგო სულს-
უნდა გავამარტივო!
ჰომ!- 
     ,,კოგიტო, ერგო სუმ"! "-

შევაგებე კვარს ტალი*,
საკუთარ გონს ვენდე თან...
     ფეხით- ორი კვარტალი
     და ,,ვ-ინ", როგორც ვენდეტა!

თამთა მუმლაძე ✏

*,,cogito, ergo sum!"- ,,ვაზროვნებ, მაშასადამე ვარსებობ!" (ლათ.)- დეკარტი; 
*ტალი- მაგარი ქვა, კაჟი, რომლის კვესზე ჩამორტყმის შემდეგ აინთება აბედი.
კომენტარები (1)