დილა- თებერვლის

● დილა
     თებერვლის

ქუჩაში ვიღაც- ვიღაცას სულს ხდის...
ქუჩაში- ხმები... ხმები... და ჯაზი.
ქშინავს ტანდემი გამტვრეულ სუსხის
და გასრესილი, მკერდსავსე ჯავზის!

დილა- თებერვლის.
ჭირხლი აგრე ვნებს,
თითქოს, ამ ჭირხლით დამაკლოს რასმეს!
ცვლიან ლარებში რუბლებს და გრივნებს,
ვით ომის შემდეგ, უსულო რაზმელთ...

აწ გამოცვლილი, (მსგავსად მიმიკის,-)
მე ვაკვირდები ჯიქურ, ქალ-მარებს...

და ამ ასფალტზე ისე მიმილხინს,
როგორც ცივ ტბაში- შეშლილ კალმარებს...

ბუკინისტური სურნელი... 
ძველის...
(თან, მაფშალია ხმელიან ,,ჯა"*-ს ზის...
      
      ქუჩაში ვიღაც- ვიღაცას ,,წველის"...
      დილა-თებერვლის.
      ხმები...
 და ჯაზი.

თამთა მუმლაძე ✏