ვიყო

კახი, 
იმერელი, 
ოდიშელი,
ღამე და შინელი, დღე და ციხე...
ვიყო მე ყველაზე 
ცუდი შვილი,
დაე, საშინელი დედაც ვიყო...

სადაც უარაფრო 
ტუნდრა ჰგავს ,,ხედს",
ომობს ნაყოფი- და ,,ბედნი"- ერი...-
დაე, სულ ყველაზე
 ცუდად გავხდე,
ოღონდ თქვენ იყავით ბედნიერი!

ტახტი- ყელყელასი, 
ცა- მოშლილი,
ოხვრა და კითარი- ერთ დღიანი...
გავხდე, მე, ყველაზე 
ჩამოშლილიც,
ოღონდ თქვენ იყავით ერთიანი-

კახი... 
იმერელი... 
ოდიშელი...
დარე შეღამება... დღემაც იკლო...
ვიყო მე ყველაზე 
ცუდი შვილი,
დაე, საშინელი დედაც ვიყო...

თამთა მუმლაძე ✏