დედაჩემო

● 

თვალწინ- ასწლოვანი უნაბები,
ოდა, თავშალი და კარაული...
სულში- სიმშვიდის ზღვის მონაბერი,
დედა- ამ სიმშვიდის ყარაული.
ყველა ამოსუნთქვა 
და უჯრედი,
დილაც, ისეთია- 
                               დედის დარი!
მიყვარს მაგიდებზე და უჯრებში:
ნარმა, სათითე და თითისტარი.
...დღესაც ჩვენს უნაბთან იფეთქა მზემ,
გაქრა ერთიანად Დრე და ჩერო.
ყველგან შენი სახე, სიფაქიზე,
დედა, 
ჩემო დედი, 
დედაჩემო,-
ყველგან... 
                      და ჩურჩულიც, თურმე, ნიავს
მოაქვს ჩემთვის ლოცვად! 
                                           მშობე ბედად...
მწვდება და სიცოცხლის სურნელი აქვს-
დედას, 
მშობელ დედას, 
მშობელ დედას...

   თვალწინ- ასწლოვანი უნაბები,
   ოდა, თავშალი და კარაული...

თამთა მუმლაძე ✏