ბინდი

(მანდაეთს)

ნასიცხი, როცა, თელა
ჩქაფის სურვილით გოდებს
და ფარღალალა ოდებს
ფონე მტევნებით თელავს;

სიმინდის ყანის ყუა
ჩრდილით ტანმაღალ პამპასს
ეცემა როცა,- პაპას
მისდევს წიქარა. ყრუა*

ტყე, იფნის სახრე ლაყბობს:
,,-დიდო, შე სამგლე, დიიდო"!
   ,,გაღიმებისას" თითო-
ღრმული უჩნდებათ ლოყებს,

ღრუბელთა, და თუ ახდეს...-
ცა წვება აგერ როდის
და ,,ჟოლობების" როდინს
სეტყვის ფილთაქვა ახდენს.*

მიყუჩდა, ახა*, ,,წი-ვი"!
მზე კოხშინშხალის ტყვეა,
ბინდი კი, როგორც ტყვია,
მთების გადმოღმა წივის.

თამთა მუმლაძე ✏

* მივარდნილი;
* ბარბარიზმი;
* წახდენა;
* შორისდ.