ღამეს მდუმარეს და ქარიანს ..

ღამეს მდუმარეს და ქარიანს,
ლექსებს, ლოცვასა და ალერსს
ერთი საერთო აქვს მარიამ.

ღმერთო დაიფარე, ამინ!

დღეებს ოთახივით არეულს
მზე და ლოცვის ძალა ანათებს.
ამ ლექსს შეადარებ მთვარეულს,
მაგრამ მინდა, როგორც ბარათი,
ისე გავატანო ანგელოზსს
ღმერთთან. სულ ერთია ყოველი,
მსურდა მისი ჯვარიც მეზიდა
ახლა მფარველობას მოველი
მისას ღმერთისგან და შევთხოვ:
ღმერთო ნუ მოაკლებ შენს კალთას!
ჩემთვის მძიმე არის ერთობ
მაგრამ ღმერთო მაინც შეგკადრე.

ახლაც დუმილი და ქარია,
ლექსებს, ლოცვასა და ალერსს
ერთი საერთო აქვს მარიამ.
ღმერთს ვთხოვ დაგიფაროს, ამინ!