გამოცანა (იუმორისტული)

თავიდანვე გააფრთხილებთ გულანთებულ მეომრებს,
ვიტყვი მხოლოდ ერთადერთხელ აღარ გავიმეორებ-
შეჭიდებას თუ გაბედავთ ნუ მიჰყვებით ბოლომდე,
მას ვერაფერს ვერ დააკლებთ, თავებს გაიბოროტებთ.

გააქროლებს თავის ტაიჭს, თუმცა მოგიბრუნდებათ,
მასსვე უთქვამს“ყველა ღელე კალაპოტს უბრუნდება“,
მოვა არა როგორც მხეცი, არა როგორც ნადირი-
დიპლომატი პოეტია ციდან ჩამოვარდნილი.

არ გეგონოთ გელაყბებით, ანდა გებაასებით,
ასი მგოსნის გონება აქვს- შეიძლება ასობით.
ასეთია ბუნებითად, ღმერთმა ხელი დარია,
მარა ცოტა შეშლილია, ლექსებმა გადარია.

თუ ვერ მიხვდით გამოცანა მე ვისზე წამოვიწყე-
ერთსაც გეტყვით მის სუფრაზე ვერაფრით ვერ მოიწყენ.
მიგახვედრებთ: ერთი ძმა ჰყავს, ასევე ჰყავს ერთი და.
`დევნილია ცხრუკვეთიდან არა აფხაზეთიდან``.

ალბათ უკვე გამარტივდა პასუხი გამოცანის,
ალბათ უკვე კარტის გახსნის გონივრული დროც არის.
აქ მთავრდება ამ გამოსვლის მოკლე რეჩიტატივი,
თქვენგან პასუხს ველოდები კრძალვითა და პატივით.