0 0 12
ღელვა
როგორ გსურს თქვა კარგად ვარო,
სულიერი გაახარო...
თუ გსურს სულის ეზო ბარო,
იყავ ფხიზლად, მეგობარო!
სულს ძლიერი მოვლა უნდა.
ირგვლივ ყველგან ქაოსია.
ლტოლვის ქარი ახმაურდა;
ეკლიანი პათოსია.
მძიმე არის ჭკუის სწავლა.
შეცდომები მრავლად ხდება.
ცხოვრების მძიმე გზის გავლა
უკვალოდ არასდროს რჩება.
მინდა დავგმო ღვარძლის ენა;
მუდამ მქონდეს ღმერთის რწმენა,
კეთილი სიტყვების სმენა,
სიხარულის ცრემლთა ცვენა.
მინდა მწამდეს სასუფევლის,
რომელსაც მოიტანს ქრისტე;
სიყვარულის მზისებრ ელვის
და სიბრძნის მსურს ვიყო კიდე.
ჩემი სული არის ღელვა,
ზღვა ის არის, რაც მას იწვევს.
არსებობა... ქარი... ევა...
ელვა პოეტს გამოიწვევს.
