ცოტნე არჩვაძე

პოეტი, ფილოსოფოსი

0

სიზმრებში ვხედავ


სიზმრებში ვხედავ წარსულის ქალთა
გრძნობებით სავსე უმანკო თვალებს;
არ მავიწყდება მე მათი კალთა
და ვერ ვიშორებ გრძნობის ამ ალებს.

სიზმრებში ვხედავ სიყვარულს მართალს.
ხან რომელ ქალთან, ხან რომელ თვალთან
გასწორებულა ლტოლვათა მზერა;
თანდათან მეტად მინდება მათთან.

მზერა სითბოსი და მზერა ჩუმი
შუაში მყოფობს ერთმანეთს შორის.
ზოგჯერ ვარჩევდი მე ბგერა - დუმილს
და გულისცემის მოსმენას ორის.
კომენტარები (0)