ჩემი სული გაფრინდეს!

ყველაფერი ისევ ისე ყალბია;
სიყვარულით ვერ მოვისხამ იმედებს.
აქ, სიღრმეში მკვდარი სევდა მარხია,
თუ გაცოცხლდა, ძველებურად იელვებს.

უნუგეშოდ თუ დამრჩება იმედი,
მოვა დრო და ალბათ ისიც მოკვდება.
წარსულ დროში ვისეირნე იმდენი;
მომავალში ეს ცხოვრება მორჩება.

დავიღალე, ყველაფერი მომწყინდა
და ლექსებში ვცდილობ, ისევ გავცოცხლდე.
სიმშვიდე და თან სიცოცხლე მომინდა,
პოეზია - ისეთი, რომ გავოცდე.

აქ თუ ისევ ყველაფერი ფარსია,
აქ რა მინდა?! ჩემი სული გაფრინდეს!
ეს სოფელი გაუვლელი გარსია,
ნუ დამტოვებ, შენ გთხოვ, ღმერთო, დამინდე!