0 0 22
ლიზა
სხვა სამყაროში ვისეირნებ მე შენთან, ლიზა,
სხვა სამყაროში.
და შენ იქნები იდუმალი ღიმილი სიტყვის,
არა - და ვინჩის.
რა უსასრულო არის სიღრმე შენი თვალების!
მე შენი სულის უფსკრულისკენ მივექანები,
რადგან მიყვარხარ, ჩემო ლიზა, ღიმილო ღმერთის,
არა - და ვინჩის.
შენ ხარ ნიმუში ჭეშმარიტი, თვით ლეონარდო
ვერ დახატავდა ისეთ შედევრს, როგორიც შენ ხარ.
ღმერთს ვესტუმრები, ვკითხავ შენზე, თუ როგორ გნახო,
ის გამიღიმებს, შენ გიხილავ და ვიტყვი: ,,შენ ხარ!"
ეს სიყვარული იქნებოდა ჩემი სიცოცხლე,
ამ სიყვარულში ინათებდა შენი არსება.
იქ, სადაც მუდამ იარსებებს ჩვენი სავსება,
სხვა სამყაროში ვისეირნებ მე შენთან, ლიზა...