მარტოობა

აქ, ირგვლივ, ყველგან მარტოობაა. 
სული აღმოჩნდა ცარიელ ტყეში.
არ ჩანს სიცოცხლე და არც - სიკვდილი.
მხოლოდ უფერო მარტოობაა.

აქ ერთ შემთხვევით არჩეულ დღეში
უნდა მიაგნოს ტყიდან გასასვლელს.
და სიბნელის და სიცივის ტყეში
ეს დღეც სხვა დღეთა სევდას დაანთებს.

სული ხეტიალს მაინც ვერ იშლის; 
და ყინვით იწვის; უნდა, წავიდეს.
აქ, სიცივის და სიბნელის ტყეში
ის არის მხოლოდ და - მარტოობა.