ბუმბერაზთ მიღმა

გალაკტიონის ვეტრფი ალიონს,
მე ბაირონის რითმები მხიბლავს,
წიგნის ფურცლებზე ჩაძინებული
ისევ ვაგრძელებ ლექსების კითხვას.
ვაჟას მთის წყაროს მოწყურებული,
ტატოს მერანით შევხვდები დილას
და ,,მე და ღამე"-ს დაწაფებული
,,მთაწმინდის მთვარე" მეწვევა ცისკრად.
,,ტანო-ტატანო"-ს გრძნობა დამათრობს,
გულს სიყვარულის ბახუსში სძინავს,
დილის მზის სხივი სიზმარს გააქრობს
და მე დავრჩები ბუმბერაზთ მიღმა...