უბრალო... - უბრალოდ...

დიდი არაფერი - კაცი ვარ უბრალო,
სული მაქვს უბრალო
და ვცოცხლობ უბრალოდ.
დიდი არაფერი - ფიქრი მაქვს უბრალო,
დარდს ლექსით ვმკურნალობ
მხოლოდ ღმერთს ვუამბობ.
დიდი არაფერი - აზრი მაქვს უბრალო,
ცხოვრების დინებას მივყვები უბრალოდ.
ჩემი საქართველო მე მიყვარს უბრალოდ,
უფლისგან ნაძერწი, ბუნებით უბრალო.
ღარიბი არა ვარ, ისე ვარ უბრალო.
ასე გავიზარდე - ხალვათად, უბრალოდ.
სხვა თუ არაფერი - ლექსი მაქვს უბრალო,
გული მაქვს კეთილი, ფიქრებით უბრალო.
კიდევ ბევრს დავწერდი - დრო არ მაქვს უბრალოდ,
ცხოვრების დინებას მივყვები უბრალოდ,
არავინ არა მძულს, არც არვის ვუარყოფ...
დიდებას არ ვითხოვ - მიმიღეთ უბრალოდ...