0 0

სიკვდილმისჯილის ბოლო სიტყვა...


მიდი მესროლე - რაღას უცდი,
ნუ აგვიანებ,
მხოლოდ ხორცს მოკლავ, რადგან გული
უკვე სხვისია,
მიდი მესროლე - ნუღარ ფიქრობ,
ვეღარ დავიცდი,
ხორცი წაიღეთ, რადგან სულით
ზეცად მივდივარ.
მიდი მესროლე - საქართველოს
კუთვნილი ტყვია,
დაე მაგ ტყვიამ დაასრულოს
ჩემი მისია,
მიდი მესროლე - რაღას უცდი,
ნუ აგვიანებ,
ანგელოზები მესტუმრნენ და
მიწად მიცდიან.
მიდი მესროლე - ჩემს სამშობლოს ვუდგევარ ფარად,
ვიცი მოვკვდები, ხვალ სხვას ხვდება
ჩემი მისია,
ხორცი წაიღეთ ჯალათებო,
ლეშია მხოლოდ,
გული კი უკვე სამშობლოსთვის
გადამიცია.
მიდი მესროლე - გოლგოთაზე რეკენ ზარები,
უფალი მიხმობს, დასასრულის წამი ტკბილია,
მიდი მესროლე - ნუ ყოყმანობ, ნუ აგვიანებ,
უნდა წავიდე... ანგელოზნი
დიდხანს მიცდიან...
არ გეგონოს, რომ რადგან მომკლავ
გარდავიცვლები,
გადავინაცვლებ - სად მართალნი
სულნი მიდიან...
კომენტარები (0)