საქართველო? - სილამაზე ერთია

მსოფლიოში სილამაზე ბევრია,
ერი, ბერი, ყველგან უფლის მრევლია,
საქართველო ქვეყნად ერთად-ერთია
სად ლოცვებით გათენებას ელიან.
აქ ირწევა მომავალ დღის აკვანი,
წინაპართა კვლავ კიაფობს ლამპარი,
გული არის სიყვარულით გამთბარი
და ალიონს ხმა გაღვიძებს მამალის.
მსოფლიოში მთა-გორები ბევრია,
ბორცვები და ხელოვნური გზებია,
საქართველო სულ სხვაგვარი მთა-ბარით
ხევებია ბუნებისგან ნაქარგი.
აქ მდინარეს თან დაერთვის მორევი,
უწყინარი არის მზისა ტოლებში,
ბობოქარი - ამინდს ერთვის საავდროს
ვით ბუნება ქართველ კაცის სადაროდ.
აქ ნიავიც სულ სხვა-გვარად სჩვევია,
სურნელება მთიდან გამოსდევნია,
აქ ყვავილებს სულ სხვა ახლავს ელ-ფერი
სურნელი აქვს უცხო, მსგავსად ედემის.
აქ ქალ-ვაჟებს სხვა სამოსი აცვიათ,
მოკრძალება და სიდინჯე ატყვიათ,
სიმამაცე კაცს მეგზურად ახლია,
ამაყია... ის ქართველი ვაჟია.
ცეკვა-თამაშს სულ სხვა გასდევს წესები,
ჰანგებია - გულით დანაკვესები,
ქართველობა - ეს გმირების ხვედრია,
საქართველო - უფლის დანახვედრია.
აქ სხვაგვარად რეკენ ცისკარს ზარები,
აქ ლოცვაა - ამბის ღმერთთან წამღები,
აქ ირწევა კვლავაც მუხის აკვანი
და იზრდება სულით, ხორცით ვაჟკაცი...