თბილისის ფარდა

დღეს ნარიყალას ეხურა ნისლი,
თითქოს ფიქრობდა მთელი სამყარო,
დღეს ალიონზე სხივების ნაცვლად
ღრუბელთა ჯარი იდგა საავდროდ.
დღეს მთის ფერდობებს ეწვია სევდა,
მთაწმინდის მთვარეც არ ჩანდა ბნელში,
დღეს თბილის-ქალაქს ეწვია დარდი
გაუმხელ გრძნობას მოედო ხავსი...
დღეს ნარიყალას ეხურა ნისლი,
დაფიქრებული იყო ბუნება,
და ცა კამკამა, ცა მომცინარი
დღეს წვიმის წვეთით გვესალბუნება...