პირველი აპრილი
ისევ სევდაა,ისევ თამბაქო, რას შეუძლია გულის მორჩენა? შენმა სიტყვებმა ისევ დამათვრო, იმედი მაქვს,რომ ჭმუნვა მორჩება. იმედის კოშკებს ვაშენებ ღამით, ქაჯეთის ციხეს რომ მაგონებენ; ჩემი ცხოვრება დაიწყო დრამით, მისი ქმედებები მე მაოგნებენ. რა პერსონაჟი ვარ მე არ ვიცი, სახეს მარად მიფარავს ნიღაბი; სიყრმეში მახსოვს,რომ დავდე ფიცი: „არ გავიზრდები,ვიქნები მკვდარი.” ხორციც დაჭლექდა,თან გაჰყვა სული, ალბათ გაიღო სამოთხის კარი; ჯოჯოხეთს უკვე ვარ გამოსული, გამოსასვლელთან მელის ცისკარი. დღეს პირველია,აპრილის თვეა, ალბათ დაიწყო დღესასწაული; მაგრამ მგონია,რომ ეს მახეა, რადგან დამდგარია აღსასრული.
შეგიძლიათ გააზიაროთ მასალა, თუ მიუთითებთ ავტორს.
© POETRY.GE 2013 - 2024
@ კონტაქტი
0 კომენტარი