აფრენილი შაშვები

აფრენილი შაშვები, დატეხილი ტოტები
შიშმა დაისადგურა, ბეთჰოვენის ნოტებით,
შენიღბული ფოთლები, დანისლული ხეები
სევდამ წაინავარდა, სისხლისფერი ტყეებით,

ისევ ცრემლის ამინდი, გატეხილი გულები
ნიღაბს ეფარებოდნენ, შიშით სავსე წუთებით,
კვლავაც გრძნობამ იმატა, სავალ გზაზე ვჩერდები
საბოლოო ნიშანსაც, უკვე აქაც ვჯერდები

აფრენილი შაშვები, დატეხილი ტოტები
შიშმა დაისადგურა, ბეთჰოვენის ნოტებით,
შენიღბული ფოთლები, ათასგვარი აღქმა
სიზმრად იყო ქცეული, ჩვენებური დათქმა....