0 100

მეჯინიბე


ყოველ ადამს მისი ტვირთი წონის
ღმერთი ხმაა ბატონის და მონის...
                                              Magister dixit


გთხოვთ ამაღამ მიმიხედოთ ცხენებს
დამითვალოთ დარჩენილი ვალი
იანვარი შეაკავებს ცრემლებს
სიმღერებად დამშლის თებერვალი.

გთხოვთ ამაღამ მიმიხედოთ ცხენებს
მურზაყანის ველზე მგეშავს ქარი
ყველა განცდილ გადამალულ ვნებებს
ხურდად მაყრის ბედისწერა მხდალი.

გთხოვთ ამაღამ მიმიხედოთ ცხენებს
დილით სუფრას აფხაზურად გავშლი
ბოლოს სამგზის უარყოფილ რწმენებს
ცხოვრებიდან სამუდამოდ წავშლი.
 
მერე როცა ჩამომრჩება კვალი
ცხენს მოუვლის ნაბოლარა შვილი
დავბრუნდები მიმოზებით მთვრალი
დავჯერდები ოდის კართან ტირილს...
კომენტარები (0)