დიანა ანფიმიადი - ფოტო

დიანა ანფიმიადი

ენათმეცნიერი, პოეტი

0 723

დო მაჟორი


დო

-
ეს ყველაფერი დაიწყო მაშინ
როდესაც ზამთარს მიავიწყდა საკიდზე პალტო
ზღურბლიდან უკან შემოვაბრუნეთ.

რე

-
როცა ჩაიზე მივიწვიეთ
ჭიქაში ჩაი გაიყინა
და ჩვენ მოვირგეთ ციგურები.

მი

-
მივხვდი, რატომ მაქვს გულისრევა,
ხმაა რადიოაქტიული
და ამ ოთახში მით მეტია რადიაცია
რაც უფრო ვდუმვართ.

ფა

-
ადამიანთა ხმებს ვივიწყებ –
ეს ნიშნავს რომ მუსიკას ვუსმენ.

სოლ

-

ეს დოდან დომდე მანძილია,
ანუ შენიდან ჩემამდე სივრცე.
რადგან მე შენ ვარ
მხოლოდ ერთი ოქტავით ზემოთ
მაღალი ტონი, ქალური ტემბრი.

ლა

-
შენ გზას იგრძელებ –
ანუ სვლა გაქვს ქრომატიული.

სი

-
მინდა ამოჰყვე ნახევარტონებს,
ავცდეთ – ეს ნიშნავს დავსრიალდე -
ანუ გლისანდო.

დო

-
ვინმემ მოასწროს,
დაახუროს როიალს თავი
შიგ მოგვაყოლოს
კომენტარები (0)