გამარჯვებას თანაბრად სწერს

სამშობლოის გზას მრავალფერს,
შარაა თუ ვიადუკი -
გამარჯვებებს თანაბრად სწერს
თმაჭაღარა და ჭაბუკი.

მოხუცი არ გულმავიწყობს,
ახალგაზრდას ძალა სწვდება
და ორთავეს სურს დაიწყოს
ერთმანეთთან შეჯიბრება.

მოხუცს ქუდი წარბზე ხურავს,
ახალგაზრდას ცოტა გვერდად,
მაგრამ კედლებს და სახურავს
თავს ევლება ორივ ერთად.

სამშობლოის გზას მრავალფერს
შარაა თუ ვიადუკი -
გამარჯვებებს თანაბრად სწერს
თმაჭაღარა და ჭაბუკი.