გივი ალხაზიშვილი - ფოტო

გივი ალხაზიშვილი

პოეტი, პროზაიკოსი, ესეისტი, მთარგმნელი

0 144

თვალი


ეს გარინდება თავის სიღრმიდან
ამოიხედავს
და გულში იწყებს ამონათებას
ის მზე, რომელიც შენში ამოდის,
ამ სახურავებს
და ამ ბაღებს არ ეფინება,
ის ახალ სუნთქვას სიტყვაში ეძებს
და გაფიქრება, რომ დედამიწა,
ასტეროიდულ წვიმების ფონზე
ისე წააგავს ბაბუაწვერას,
რომ შიში გზაფრავს
და ხელს თვალებზე ისე იფარებ,
თითქოს ამ სოფლის კარი მიხურე
და იგრძნობ სულით თვალის ახელას,
როცა ის არ ჩანს, მაგრამ გიყურებს.
კომენტარები (0)