მთავარი ნიჭი

მთავარი ნიჭი-
სხვა რამ ნიჭი არა თქვას კაცმა,
(ნიჭს და ბედ-იღბალს
    ნურვინ აღრევს,
                       ნურვინ შეურევს).
მთავარი ნიჭი:
     თავის დროზე
               წერტილის დასმა, -
მხოლოდ ეს ნიჭი
     კოდში უდევთ მართო რჩეულებს.
მაგრამ ვაი, რომ
როცა ბოლოს მოდის გამჩენი,
მოდის გამჩენი, უკვე სამტროდ,
           სამუხანათოდ.
წერტილის დასმა -
      თვით რჩეულთაც
          უთრთით მარჯვენი,
წერტილის დასმა -
         თვით რჩეულთაც ნიჭი ღალატობთ.

წყარო: litklubi.ge