ქეთევან დოლიძე

ოფიციალური სახელი: ქეთევან დოლიძე დაბადების თარიღი: 4 დეკემბერი, 1945 (73 წლის) დაბადების ადგილი: ქ. თბილისი. დაამთავრა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი 1967 წელს; 1975 წელს თბილისის სახელმწიფო თეატრალური ინსტიტუტის სარეჟისორო და სამსახიობო ფაკულტეტები.

1974-1998წწ. იყო ტელევიზიის რეჟისორი; 1975 წლიდან კინოსტუდია "ქართული ფილმის" დამდგმელი რეჟისორი; 1997 წლიდან კინომსახიობთა თეატრის რეჟისორი, საერთაშორისო ფესტივალ "საჩუქრის" სამხატვრო ხელმძღვანელი; 1993 წლიდან ქალთა მოძრაობა "მანდილის" ერთ-ერთი დამფუძნებელი და კომიტეტის თავმჯდომარე; მიხეილ თუმანიშვილი სახელობის კინომსახიობთა თეატრის სამხატვრო ხელმძღვანელი. დამდგმელი რეჟისორია ფილმებისა: "კაცია-ადამიანი?!" (1979), "კუკარაჩა"(1983), "სანამ წვიმა გადაივლიდეს"(1985), "მარტოხელა მონადირე"(1989) და სხვ.; სატელევიზიო დადგმებისა: "დღესასწაული"(1973), "ცოლ-ქმარი ბინას დაეძებს"(1975) და სხვ.

წყარო: nplg.gov.ge