სად პოულობენ ადამიანები ძალას ..

სად პოულობენ ადამიანები ძალას-
გამოტრიალდნენ?!
მივიდნენ პირამდე,
იდგნენ სუნთქვაშეკრულები და
მაინც შეძლონ - არ გაიხსენონ.
სად პოულობენ ძალას ადამიანები,
რომ დაივიწყონ,
ვისთვის ძლებდნენ და 
ირწეოდნენ ცაში ფრანივით,
როცა ხელის არასწორად ერთხელ დაშვება
ვარდნას ნიშნავდა?
მე როგორ შევძლო,
ჩავუარო შენს სახლს,
თითქოს ფოთლების შრიალს
და თმა ოდნავ შევისწორო,
გაუაზრებლად,
ან მოვიდე შენს რკინის კართან
და ვიპოვო ძალა
უკან გამობრუნების?!