რომ იყო მდინარე ..

რომ იყო მდინარე
და ამოგიღონ საკუთარი კალაპოტიდან.
ნაპირზე დაგდონ.
გითხრან:
იცხოვრე.
შენი ცხოვრება ახლა მხოლოდ შეგრძნებებია-
როცა მხოლოდ მზერით ეხები
და მხოლოდ გახსოვს.
მკლავზე,როგორც სუსტ ტალღაზე,
ჩამოაყრდნე საკუთარი ამღვრეულობა
და უყურე ბალახებზე წამოწოლილმა,
შენი სხეულის ჩვეულ სამყოფელს.
ტანს აყოლილი სველი ქვიშა თუ გაგახსენებს უცნაური წვით,
რომ რა ხანია,
უსისტემოდ მიედინები.