გადამიშალე ხელისგული ..

გადამიშალე ხელისგული
ვერ შემაშინებ,
ჩემი გზა უფრო მოკლეა
ვიცი, დაგიცდი ყველგან
და ყოველთვის მემახსოვრება,
რომ ვარსკვლავები იქმნებიან
სამკუთხედებით.
გადამიშალე ხელისგული,
რომ ამოვკენკო ცოტა სინათლე,
თორემ დავბრმავდი და ნისკარტით
ვწერ და ვკითხულობ
და ნეტავ მართლა ბეღურა ვიყო.
მაშინ არასდროს მიმატოვებდი,
რადგან უმწეო ჩიტს ვერ დატოვებ.
ჩიტმა რა იცის, ცის გარეშე როგორ მოიქცეს?
ან მე რად მითხარ, საყვარელო,
რომ . . .
ფრთები არ მაქვს.