მზე ინკების ღმერთი იყო ..

მზე ინკების ღმერთი იყო,
იაგუნდი ან წითელი, ან ლურჯია,
ისე როგორც სიზმრის წიგნი,
ავი სული წყალს გაყვება,
წყევლას ვგრძნობდი ბავშვობიდან,
ახლა შენი თვალის ფსკერი
წყანარია და ისე მყიფე,
რომ საცაა დაიმსხვრევა.

მეშინია ქურუმების,
ხომ გიყვარვარ?
მათ ტაძრებში სისხლის ტბაა,
ჩემს თოჯინას დააძინებს ცივი ხელი,
ცხედრებიდან ვიღაც იცვლის გვერდს
და ვიღაც გაიღვიძებს,
მომიყევი, რა ხდებოდა
მაშინ, როცა მე ვიყავი ემბრიონი
და შენ ჩემზე აშენებდი ქვეყნის იმედს.